នារសៀលថ្ងៃទី១៩ ខែកញ្ញា ឆ្នាំ២០២៥ ដែលជាថ្ងៃទី២ នៃដំណើរការមហាសន្និបាតអាយប៉ាលើកទី៤៦ សមាជិកសភាកម្ពុជា និងសមាជិកអាយប៉ា បានជួបប្រជុំជាមួយសភាសង្កេតការណ៍ តាមប្រទេសនីមួយ ដាច់ដោយឡែកពីគ្នា ដើម្បីពង្រឹងពង្រីកកិច្ចសហប្រតិបត្តិការទ្វេភាគី និងពហុភាគី។
ក្នុងនោះផងដែរ ឯកឧត្តម ង៉ាន់ ចំរើន អនុប្រធានគណៈកម្មការទី៥ព្រឹទ្ធសភា និងក្នុងនាមគណៈប្រតិភូសភាកម្ពុជា បានអញ្ជើញចូលរួមកិច្ចសន្ទនាជាមួយសភាសង្កេតការណ៍អាយប៉ា-ទីម័រឡេស្តេ និងន័រវេ ក្រោមមូលបទ “មជ្ឈភាពអាស៊ាន៖ ការជំរុញនិម្មាបនកម្មតំបន់ប្រកបដោយបរិយាប័ន្ន ដើម្បីចីរភាពនាពេលអនាគត”៕
ប្រភព៖ នាយកដ្ឋានទំនាក់ទំនងអន្តរជាតិ
